मरायचे आहे

 जीवनावर विजय

 मिळवून जगायचे आहे

कर्तृत्वावर आरूढ होऊन

लढायचे आहे
जातीयवादाचे विषवल्ली
उखडून काढायची आहे
समतेचं लहानसं रोपटं
वाढवायचं आहे
आपापसातील वांशिक हिंसाचार
थांबवायचा आहे
अस्पृश्यतेचा हा कलंक
धुवून काढायचा आहे
सत्याची दुधारी तलवार
हातात घेऊन
असत्याचा वृक्ष
तोडायचा आहे
राष्ट्रीय एकात्मता
वाढीस लावायची आहे
विकृत प्रवृत्तीचा नायनाट
करायचा आहे
देशात अस्थिरता माजवणाऱ्याचे कट
उधळून लावायचे आहेत
भारताचे अखंडत्व
कायम टिकून ठेवायचे आहे
प्रत्येकाच्या मनात राष्ट्राविषयी
प्रेमाचे बीज रुजवायचे आहे
राष्ट्रासाठी कशाही परिस्थितीत
मरायचे आहे

अजय कुलकर्णी सात्रेकर बीड